खबर लहरिया ताजा खबरें डाक्टर कै कमी अस्पताल मा खाली पद

डाक्टर कै कमी अस्पताल मा खाली पद

IMG2514Aजिला अम्बेडकर नर, ब्लाक कटेहरी, कस्बा कटेहरी। हिंआ पै बने सामुदायिक स्वास्थ्य केन्द्र मा छह साल से डाक्टर कै पद खाली बाय। जवन महिला डाक्टर अहैं उनहूं आठ महीना से ड्यूटी पै नाय आवति अहैं। जवन मरीज यहि अस्पताल मा दवा करावै आवाथिन उनका डाक्टर न हुवय के कारण जिला मा रिफर कीन जाथै।
हाथ पाकड़ गांव कै रीता बतावाथिन कि हिंआ गेदहरन के ताई डाक्टर नाय अहैं। हम पिछले साल जुखाम बुखार के गेदहरा का दवा करावै लाय रहेन तौ जिला के ताई रिफर कै देहे रहिन। यही गांव कै सुमन बताइन कि हिंआ महिला डाक्टर अउर स्टाप नर्स कै बहुत कमी बाय। अउर अचानक केहू कै डिलेवरी हुआथै तौ बहुत परेशानी झेलै का पराथै। हमरौ 7 अगस्त 2014 का यही अस्पताल मा डिलेवरी भै रही जवन संविदा पै महिला डाक्टर अहै वै हर समय मौके पै नाय मिल पउतिन। स्ंविदा पै काम करै वाली मेहरारु डाक्टर तबस्सुम खान बताइन कि हम हिआ पांच साल से काम करत हई। आज तक अस्पताल मा दिन रात अकेलै कहां तक काम करब। स्टाप नर्स मधुलता मिश्रा बताइन कि हिंआ पै तीन स्टाफ नर्स हुवै का चाही। जिहमा हम अकेलै काम करीथी। अकेले मा डिलेवरी सम्भालब बहुत मुश्किल हुआथै। ई परेशानी झेलत हमका ,क साल होइÛा। यहि अस्पताल मा छह पद खाली पड़ा बाय। भरै के ताई नाम नाय लेते। मरीजन का भी जूझै का पराथै।