ठनका गिरे से मौत

रामसोमारी देवी

जिला सीतामढ़ी, प्रखण्ड रीगा, पंचायत सिरौली द्वितिय, गांव रामनगरा, शंकर चैक, वार्ड नम्बर छौ। उहां 9 जुलाई 2014 के एक बजे रात में रामसोमारी देवी के ठनका गिरे से मौत हो गेलई। जिनकर उम्र लगभग पच्चास साल रहलई।
रामसोमारी देवी के पुतोह अनिता देवी, बेटा शिवकुमार, पति विश्वनाथ सिंह कहलथिन कि रात में सब लोग अपना विस्तर पर सो गेलथिन। गर्मी के कारण उ घर से निकल के गेट तर बईठल रहथिन। हल्का वर्षा भेलई अउर ठनका गिरलई। हम सब घर से बाहर न अईली। तीन बजे भोर से हम देखली त उनकर मुह हाथ झोकरल रहई अउर उ मरगेल रहथिन, उनका कोई बिमारी न रहलई।
मुखिया विश्वनाथ भगत कहलथिन कि हम उनकर आवेदन जमा कर लेले छी। कवि अंत्योष्टि योजना के तहत सामान्य अउर पिछड़ी जाति के लेल अभी राशि न हई। पुरे पंचायत में लगभग पैतिस लोग के रूपईया बाकी हई। अपना पैकेट से दस पंद्रह लोग के रूपईया देली ह। रूपईया अतई त उनका पंद्रह सौ रूपईया देल जतई। प्रखण्ड विकास पदाधिकारी राजाराम पासवान कहलथिन कि कवि अंत्योष्टि योजना के रूपईया मुखिया के पास देल जतई।