जिला बांदा, ब्लाक महुवा, कस्बा अतर्रा। बुन्देलखण्ड मा गुड़ के जलेबी मशहूर है। ठण्डी का महीना शुरू होतेन दुकानन मा गुड़ के जलेबी खाये वालेन के लाइन लाग जात हैं। तूमंहू का गुड़ के जलेबी खाएं का है तौ चलौ अतर्रा कस्बा के रतन कुमार सोनी के ठेला मा। जहां गरमागरम ताज़ी कुरकुरी जलेबी बिकत हैं।रतन कुमार सोनी का कहब है कि पचास साल से हम जलेबी का ठेला लगावत हन। हम बारों महीना जलेबी बनाइत है ठण्डी के मौसम मा गुड़ के जलेबी बहुतै मड़ई पसंद करत हैं काहे से गुड़ के जलेबी बहुतै फायदा करत है।हमार दुकान मा रोज लगभग दुई सौ मड़ई जलेबी खाए आवत हैं। जलेबी अस्सी रुपिया किलो बिकत है।
रमाकान्त बताइस कि तीन–चार साल से मैं या दुकान मा जलेबी खाए आवत हौं काहे से दुकान मा जलेबी बहुतै नींक बनत है अउर मोहिका गुड़ के जलेबी बहुतै पसंद है।रामसजीवन बताइस कि गुड़ के जलेबी खाए मा बहुतै स्वादिष्ट लागत है छह साल से मैं जलेबी खाए आवत हौं।
बाईलाइन-गीता देवी
27/10/2017 को प्रकाशित
