ट्रान्सफारमर के जाली टूट

जिला चित्रकूट, ब्लाक कर्वी, एल.आई.सी. के सउहें। हिंया 28 फरवरी का आंधी आवैं से खम्भा गिरैं से ट्रान्सफारमर के जाली टूट गे रहै। वा जाली अबै तक बिजली विभाग नहीं बनवाइस हवै। यहै से जानवरन के करंट लागै से मउत होइ सकत हवै। येत्ती गम्भीर समस्या होय के बाद भी बिजली विभाग अंजान हवै।
मिशन रोड के पवन अउर राजू कहत हवैं कि आंधी आवैं से बिजली के दुइ खम्भा गिर गें। एक बिजली का खम्भा ट्रान्सफारमर मा गिरा। यहै से ट्रान्सफारमर के जाली टूट गे हवै। दुइ दिन तक बिजली भी नहीं रही आय। बिजली के जाली सुधरावैं खातिर कर्वी बिजली विभाग मा 4 मार्च 2015 का लिखित दरखास दीन गे, पै अबै तक ट्रान्सफारमर के जाली का नहीं बदला गा हवै। अगर यहिनतान ट्रान्सफारमर धरा रही तौ कउनौ भी समय गम्भीर घटना होय का डेर हवै। अगर बिजली का ट्रान्सफारमर बदल जाये तौ हमार इं सबै समस्या खतम होइ सकत हवै। कर्वी बिजली विभाग के जेई राजेन्द्र कुमार राजपूत का कहब हवै कि बिजली के ट्रान्सफारमर के जाली अप्रैल तक बदला दीन जई। अबै तक मोहिका यहिके बारे मा कउनौ पता नहीं रहा आय।