खबर लहरिया बाँदा टूट पाइपलाइन, गंदा पानी पियैं का मजबूर

टूट पाइपलाइन, गंदा पानी पियैं का मजबूर

taza 1 (6)जिला बांदा, ब्लाक तिंदवारी, गांव छिरौंटा अउर ब्लाक बबेरू, कस्बा मुरवल। छिरौंटा मा तीन साल अउर मुरवल मा छह महीना से पाइपलाइन टूट है। जेहिसे मड़इन का नाली का गंदा अउर बदबू वाला पानी पियैं का परत है। मड़ई 20 जनवरी का तहसील मा दरखास दिहिन हैं।
छिरौंटा के इन्द्रपाल, गयाप्रसाद, भइयादीन, कल्लू अउर बाबूलाल कहिन कि 3 फरवरी का जल संस्थान के करमचारी पानी के बिल वसूली करिन हैं। जबैकि तीन साल से पाइपलाइन नाली के भीतर से टूट है।
मुरवल के रामबाबू, राजाभइया अउर कुसमा का कहब है कि छह महीना से छह जघा पाइपलाइन टूटी है।
जल संस्थान के अधिषाशी अभियंता विजय बहादुर सिंह कहिन कि समस्या के जांच करा लीन जई। विभाग मा या समस्या के कउनौ सूचना नहीं आई आय।
जल निगम सोलहवीं शाखा के मैकेनिक अकरम कहिन कि पाइप लाइन जल्दी सही करा दीन जई। तहसील दिवस मा दरखास आवैं के सूचना हमैं निहाय।