टूटल हरिजन बैठका

जिला सीतामढ़ी, प्रखण्ड रीगा, गांव रीगा इमली बाजार। उहां वार्ड नम्बर तीन में लगभग पांच सौ घर के महादलित बस्ती हई। जेइमें एगो हरिजन बठैका हई। जे लगभग दसों साल से टूटल हई।
उहां के योगिन्दर राम, मजदुरीया देवी, रामकली देवी लगभग दसों आदमी कहलथिन कि हरिजन बैठका टूटल हई। जेई से हमरा सब के बड़ा दिक्कत होई छई। टोला में केेकरो इहां कोई मेहमान आयल त विद्यालय में न त पंचायत में बइठावे ले जाई छी। कोनो सरकारी काम करे वाला आदमी आयल त बइठे के लेल दिक्कत होई छई। कहिया से सुनई छी कि हरिजन बैठका बनतई लेकिन कहां बनई छई? घर अच्छा रहतीअई त टोला के भी दस लोग सुबह शाम बइठतीअई।
मुखिया उषा शर्मा के पति सुनिल शर्मा कहलथिन कि हरिजन बैठका बने के लेल योजना में पास हो गेल हई। लेकिन काम अभी बरसात के लेके शुरू न करवा रहल छी। बरसात खत्म हो गेला के बाद काम शुरू कयल जतई।