जीती पत्नी प्रमाण पत्र पति का

जिला बांदा, ब्लाक महुआ, मतदान केन्द्र जवाहर लाल इण्टर कालेज गिरवां। हेंया महुआ ब्लाक क्षेत्र के गांवन मा पड़ी वोटन के मतगणना कीन गे हैै।
महिला प्रत्याषी जीतत रहैं लेकिन उंई प्रमाण पत्र तक लें नहीं आई। मजेदार बात या भी है कि जीतै का प्रमाण पत्र उनके पति लेत रहै अउर कैमरा के सउहैं बडे़ ताव से फोटो भी खिचवात रहैं। हेंया तक कि प्रमाण पत्र देय वाले अधिकारी भी कउनौ रोक टोक नहीं लगाइन।
वार्ड नम्बर 65 से क्षेत्र पंचायत सदस्य का निर्विरोध चुनाव जीतैं वाली महिला मुन्नी देवी रहै। वा जीत तौ गे। पै प्रमाण पत्र वहिके पति गोरेलाल का दीन गा है।
साथै फूल माला का बोझ भी लादैं का पड़ा। मीडिया द्वारा गोरेलाल से मुन्नी देवी के न आवैं के बात कीन गे तौ वा बड़े ताव मा जवाब दिहिस कि हेंया औरतन का कउन काम है। हमका ही तौ सब कुछ करैं का है।