जिला पंचायत के ऊपर जानलेवा हमला

जिला अम्बेडकर नगर, ब्लाॅक टांडा, कस्बा हीरापुर बाजार। हिंआ 13 जून कै महिला जिला पंचायत सदस्य के ऊपर जानलेवा हमला भै।
बसपा नेता जुरगाम मेहंदी कै महरारु जिला पंचायत सदस्य तबस्सुम बताइन कि हम अपने टाटा सफारी गाड़ी से अपने गांव नसीराबाद जात रहेन। हीरापुर बाजार के रामपुर पोखरा के पास 13 जून कै शाम साढ़े सात बजे घरे जात समय हमरे गाड़ी के आगे डीसीएम गाड़ी जात रही। पीछे से हार्न मारै पै भी साइड नाय दियत रहा। डीसीएम पै बैठा मनई टाटा सफारी मा बैठी जिला पंचायत सदस्य तबस्सुम के ऊपर जान लेवा हमला कै दिहिन। हमला मा गाड़ी कै शीशा टूटगै। लकिन हम वहिंसे भागिके बगल गांव मा जाएके एक घरमा छुप गयन। वहिंसे पुलिस का सूचना दिहिन। पुलिस आइके हमैं सुरक्षित घरे छोड़िस। यकरे पहिले भी हमरे पति जुरगाम मेहदी के ऊपर हीरापुर बाजार के पास मा जानलेवा हमला भै रहा।
हीरापुर थानाध्यक्ष फूलचन्द मौर्या बताइन कि पूरी घटना फर्जी बाय। अबहीं तक यहि सम्बन्ध मा कउनौ शिकायती पत्र नाय मिला बाय।