जिला अधिकारी का सौंपिन ज्ञापन

जिला फैजाबाद, पहाड़गंज घोसियाना। हिआ कै मनई 1 जून का कूड़ा करकट गन्दगी व जलभराव के समस्या का देर करै के ताई जिलाअधिकारी का ज्ञापन शौंपिन।
गांव कै हफीज उल्लाह जुबेद अहमद मोहम्मद इरफान बताइन कि 7 जून से रमजान कै पाक माह शुरु हुवत बाय। मोहल्ला मा कूड़ा करकट से गन्दगी फैली बाय। जानवर भी इधर उधर बैठा रहाथिन। सड़क के चारौ तरफ गली मा जल भराव रहाथै। रमजान के महीना मा मोहल्ला वासी नमाज की ताई निकलाथिन। उनका काफी दिक्कत कै सामना करै का पराथै। जेसे उनके नापाक हुवय कै समस्या बनी रहाथै।
मोहल्ला मा विजली कै कटौती ज्यादा हुआथै। जेसे रमजान के महीना मा गर्मी व पानी कै समस्या ज्यादा होये। ई सारी समस्या का लइके मोहल्ला कै मनई जिलाधिकारी किंजल सिंह का ज्ञापन शौंपिन। अउर जल्दी समस्या सुधारै कै मांग करिन।