खबर लहरिया सबकी बातें जिम्मेदार कोन हई?

जिम्मेदार कोन हई?

sampadkiy

हादसा में होलई मौत

दिन पर दिन सड़क दुर्धटना बढ़ते जा रहल हई। लोग के जान जाई छई, ऐकर जिम्मेदार कोन छथिन? गाड़ी चालक या सरकारी व्यवस्था। जेकरा लोग खेल समझ रहल छथिन।
अभी होली के दिन लगभग पांच मौत ठोकर लागे से हो गेलई। जब एक दिन में ऐतना मौत होई छई त पुरे राज्य में केतना मौत होतई? अगर प्रशासन व्यवस्था अउर दोषी के उपर उचित कार्यवाही के न होना भी जिम्मेवार हई। कही सड़क न रहे के कारण दुर्धटना होई छई त कही टेफिक के उचित पालन न होई छई। दोषी त पकड़ल ही न जाई छई, त कोई पकड़ायेला के बाद भी मामूली जूर्माना या मृतक के परिवार के मुआजा पर छोड़ देल जाई छई।
अईसन नियम ही कयला न बनई छई कि ऐहन घटना न हो। कयला कि एक लाख, दु लाख रूपईया मुआवजा से लोग के जान वापस मिल जतई। लोग ऐकरा गंभीरता से कयला न लेई छथिन?