जान से मारै के करिस कोशिश

जिला चित्रकूट, ब्लाक रामनगर, गांव बांधी, नटन का पुरवा। हिंया के कविता कहिस कि मोर महतारी अनुसरु का 16 सितंबर का बरकत अली अउर रमजान मिट्टी का तेल डार के जलावैं के कोषिष करिन हवैं। यहिके रपट रैपुरा थाना मा 18 सितंबर का लिखइगे, पै कउनौ सुनवाई नहीं भे आय।
कविता कहत हवै कि मोर बाप सुरेष के पहिली औरत के लड़का मोर महतारी का घर मा नहीं रहै देत अउर न तौ घर मा हिस्सा देत हवै। यहिसे महतारी साथै रोजै मारपीट करत हवै। 16 सितंबर का तौ हद कइ दिहिन। उंई महतारी का कमरा मा बंद कइके मिट्टी का तेल डार दिहिन। महतारी हल्ला करिस तौ मड़ई आ के बचाइन हवैं। नहीं तौ मोर महतारी वा दिन मर जात।
बरकत अली का कहब हवै किहम वहिका घर मा हिस्सा न देइबे। वहिका जउन देखाई दे तौ कइ ले।
रैपुरा थाना के मुंषी लाल भइया का कहब हवै कि बरकत अली के खिलाफ 307 (हत्या करै के कोषिष) 506 (जान से मारै के धमकी) के धारा लाग हवै।