रानी
जिला महोबा, ब्लाक पनवाड़ी, गांव हेबतपुरा को मजरा सलारपुरा। एते 24 जून 2013 खे जामुन टोरे के पछाऊ रानी ओर मुकुन्द की लड़ाई भई हे। जीमें मुकुन्द ओर ऊखे परिवार ने रानी खे मार के घायल कर दओ हे जीखी रिपोर्ट पनवाड़ी कोतवाली में दई हे।
रानी ने बताओ कि 24 जून 2013 खे में अपने खेत को कछवारो रखाए हती। तभई नागारा घाट को मुकुन्द ओर ऊखे दोनऊ लड़का आए हते। हमाई जामुन के पेड़ में चढ़ के जामुन टोरन लगे। तभई मेने मना करी तो मुकुन्द ओर ऊखे दोनऊ लड़का मोये मारन लगे, ओर गाली गलौज करन लगे। मोए खोपड़ी ओर पांव में कुल्हाड़ी मार दई हे। जीसे मोई खोपड़ी फट गई ओर पांव में घाव हे। जीसे में चल नई पाउत हों। मोये चक्कर आउत हे, ईखी रिपोर्ट मेने पनवाड़ी कोतवाली में करी हे।
पनवाड़ी कोतवाली के एस.ओ. नयन सिंह ने बताओ कि ऊखी रिपोर्ट आई हती। जीमे 323 (मारपीट) 504 (गाली गलौज) ओर 506 (जान से मारने की धमकी) के तहत मुकदमा लिख गओ हे। ऊखी डाक्टरी कराई हे। जीमें 324 धारदार हथियार से मारे पे लगाई हे। अभे ऊ आदमी फरार हे। जल्दी ही अपराधी पकरो जेहे।