जान मारै के देत धमकी

जिला चित्रकूट, ब्लाक रामनगर गांव बांधी। हिंया के शिवमोहन आरोप लगावत बताइस कि 28 अगस्त का खेत जोतत रहौं। पडोस मा रहैं वाले जरैली बाबूलाल, राजेश अउर उद्वी मारिन हवैं। यहिसे मोर एक हाथ टूट गा हवै। यहिके रपट रैपुरा थाना मा लिखाइगे पै सुनवाई नही भे। मा कारन 2 सितंबर का एस.पी. केशव कुमार चैधरी का लिखित दीन गे।
शिवमोहन, शंकर अउर कपिल का कहब हवै कि हम लोगन का इं लोग हमेशा सतावत रहत हवैं। जबैकि उंई लोगन से कउनौ मतलब गरज नही रखित हन फेर भी लड़त रहत हवैं। जान मार के धमकी देत हवै। राजेश का कहब हवै कि उंई पहिले से लडाई करिन रहैं। हम कउनौ का नही मारे हन।
रैपुरा थाना के दरोगा साजिद अली खान का कहब हवैं कि रिपोर्ट लिख लीन गे हवैै। दूनौ पक्ष के खिलाफ 323 (मारपीट) अउर 506 (जान मारै के धमकी) के धारा लाग हवै। एस. पी केशव कुमार चैधरी का कहब हवै कि या मामला के जांच कराई जई। जांच होय के बाद कारवाही कीन जई।