खबर लहरिया चित्रकूट जल्दी निपटी समस्या

जल्दी निपटी समस्या

शौचालय का चालू हवै काम

शौचालय का चालू हवै काम

जिला चित्रकूट, ब्लाक मऊ, कस्बा मऊ बस अड्डा। हिंया तीस बरस से शौचालय के समस्या बनी हवै। या कारन हजारन मड़ई पेशाब टट्टी का हिंया हुंवा भटकत हवै। कस्बा के मड़इन से ज्यादा परेशान यात्रियन का उठावैं का पऱत हवै। सबहिन से ज्यादा तौ मेहरिया का भटकै का पऱत हवै। यहिके खातिर कइयौ दरकी प्रधान, एस.डी.एम. अउर डी.एम. का लिखित दरखास भी मड़ई दिहिन हवै।
मऊ बस अड्डा के कमलेश, दिनेश, पप्पू, सम्भू समेत दसन मड़ई बताइन कि बस अड्डा तौ नरक बना हवै। मड़ई पेशाब खातिर भटकत रहत हवै। दुकान छोड़ छोड़ जघा ढूढै का परत हवै। बस अउती हवै तौ मेहरियन का अउर कत्तौं जघा नहीं मिलत हवै। शौचालय कइयौ बरस से खराब हवै। पिछले एक बरस से बनब शुरू भा हवै, पै अबै तक बन के तैयार नहीं भा आय। मिठाई के दुकान लगावै वाली कइयौ मेहरियन का कहब हवै कि हमैं बहुतै बदूबं आवत हवै। यहै कारन मड़ई दुकान मा नहीं आवत आहीं। हमका पेशाब करैं का होत हवै तौ एक किलो मीटर दूर जंगल कइती जइत हन। शौचालय बन जात तौ नींक होइ जाये।
या मामला मा प्रधान जमुना केशरवानी का कहब हवै कि अबै तक शौचालय पूर तान नहीं बना आय बन जई तौ तीन महीना मा शौचालय चालू होइ जई अउर मड़इन के समस्या दूर होइ जई।