इनतान बनाये झोपड़ी
जिला चित्रकूट, ब्लाक मऊ, कस्बा बरगढ़। हिंया का रहैं वाला रमेश कहिस कि 19 दिसम्बर 2013 का हमरे जमीन मा छोटकू, रामसेवक, भदई अउर शिवकुमार कब्जा कइ लिहिन हवैं। यहिके दरखास बरगढ़ थाना मा 23 दिसम्बर 2013 का लिखाइगे, पै कउनौ सुनवाई नहीं भे आय।
बरगढ़ थाना के छोट दरोगा चतुर्भुज कहिन कि या मामला के जांच कीन जई। यहिके बाद कारवाही होइ।
कस्बा के रमेश का कहब हवै कि इलाहाबाद दवाई करावैं खातिर चला गयेंव रहौं। सून घर पा के जबरन मोरे जमीन मा छोटकू, रामसेवक, शिवकुमार अउर भदई इं सबै मिलके झोपड़ी बना लिहिन हवैं। उनसे कहत हौं कि मोरे जमीन से झोपड़ी हटा लेव तौ उंई उल्टा लड़ाई करैं का तैयार होइ जात हवैं।
झोपड़ी बनावैं वाले छोटकू का कहब हवै कि अट्ठाइस बरस पहिले वा जमीन मा इन्द्रा आवास बनै का रहै। यहै से वा जमीन मा कब्जा कीने हन।