खबर लहरिया फैजाबाद जमीन की ताईं विवाद

जमीन की ताईं विवाद

पोखरा रामबली स्कूल

जिला फैजाबाद, ब्लाक मया, कस्बा गोशाईगंज। पोखरा रामबली स्कूल के बगल मा पचास घर जन जाति सौ साल से रहत हइन। लकिन अब उनकै पेड़ अउर जमीन जबरदस्ती हड़प लियत अहैं सुदामा अउर शादिकअली।
संतराम, दूधनाथ जनजाति बताइन कि हमरे सब बहुतै समय से हिंआ कै निवासी हई अउर चालिस साल कै पेड़ होय गै बाय जवन लगाये हई। जमीन हमरे सबके नाव बाय लकिन अब जबरदस्ती सुदामा अउर शादिकअली लालच करत हइन। लगभग दस साल से मुकदमा चलत बाय हमरे सबका अउर कंहू आबादी नाय मिला बाय। न तौ खेती बारी बाय कि कुछ बोय जोत के आनाज पानी उगाय सकी। इहै तीन चार बिस्सा जमीन रही वही मा पेड़ पालव लगावा रहा इनके सबके मारो ऊहौ नाय रहै पावत बाय।
लेखपाल सुरेन्द्र वर्मा बताइन कि कुछ जमीन मुस्लिम कै खेत आय अउर कुछ वनराजा कै बाय अबहीं हम नापे नाय हई कि केतना केकरे मा बाय अबहीं हम हिंआ नया आय हई।