जगह खतरा के हई

जिला सीतामढ़ी, प्रखण्ड रीगा, पंचायत भवेदपुर, गांव इस्लामपुर, वार्ड नम्बर सात। उहां इमवारा के जमीन में कुआ हई। जेकर दिवार टूटल हई। कहियो घटना हो सकई छई।
उहां के लोग आशीफ मोहम्मद, मंजूर मोहम्मद, नसीम, अल्लाउदीन, कहलथिन कि एक जमाना से इहां पर कुआ हई। जेकर कुछ भाग टुटल हई। इहां खतरा के जगह हई। चारो ओर से खुलल जगह हई। कुआ के मरम्मत करावें के जरूरी हई। लिखा के गेल मगर कहां कुछो होलई। वोट मागे अवई छथिन। काम के बाद दुःख बिसर जाई छथिन कहई छथिन सब काम हो जतई। लेकिन दोसर गांव में कुआ के चबुतरा बनल हई। इमामवारा के जमीन हई कुआ के मरम्मती अउर सफाई जरूरी हई।
मुखिया अनीता देवी के पति शिवजी भंडारी कहलथिन कि आवेदन न आयल हई। अगर लोग सब हमरा पास आवेदन देथिन तब न उहां पर काम करायल जतई। प्रखण्ड विकास पदाधिकारी प्रभात कुमार बरूआ कहलथिन कि मनरेगा में खबर करके उहां कुआ के मरम्मत करायल जतई।