खबर लहरिया बाँदा छोट मोट मामलन के साथैं दूसरे चरण का चुनाव भी निपट गा

छोट मोट मामलन के साथैं दूसरे चरण का चुनाव भी निपट गा

b sadimadan purजिला बांदा, ब्लाक तिन्दवारी, अउर जसपुरा। दूसर चरण के मतदान 1 दिसंबर का छोट मोट घटनन के साथै पूर होइगें। तिन्दवारी ब्लाक के पइसठ ग्राम पंचायतन मा 70 प्रतिशत अउर जसपुरा ब्लाक के इकत्तिस ग्राम पंचायतन मा 65.15 प्रतिशत वोट पड़े। सुबेरे सात बजे से 11 बजे तक वोट डालै मा लोगन के बीच खूब खुशी रहै कि वहै बीच तिन्दवारी ब्लाक के सादीमदनपुर अउर पदारथपुर मा वोट डालैं का लइके हंगमा होइग।
सादीमदनपुर गांव मा लगभग 11 बजे सुगदेव निषाद बिना पहिचान पत्र के वोट डालैं गा। या देख गांव का पूर्व प्रधान अंजुम खान भड़क उठा अउर दूनौ के बीच खूबै जोर शोर से हंगमा होय लाग। साथै मारपीट होय लाग। हांआ लाग पुलिस कर्मी तुरतै पी.एसी. पुलिस का सूचना कइके बुलाइन। साथै मौके मा पहंुची चिल्ला थाना एस.ओ.अनीता चैहान मामला का शांत करवाइस।
यहिनतान पदारथपुर गांव मा शाम चार बजे धोबिन अउर पण्डितन के बीच फर्जी वोट डालैं का लइके हंगामा शुरू होइगा अउर गाली गलौज होय लाग। होंआ मौजूद पुलिस कर्मी फर्जी वोट डालैं वालेन का पकड़ के बाहर निकाल दिहिन अउर गेट बंद कइ लिहिन। साथै वहै समय पांच बजे के जघा चार बजे ही मतदान बंद करा दिहिन। जेहिसे काफी लोग आपन मतदान दें से भी छूट गें।
आज के समय मा लोग अपने मतदान का मूल्य नहीं समझत आय। फर्जी काम करैं मा बहुतै आगे रहत हैं। जउन कि नियम के खिलाफ है। इं सबै काम बहुतै सोच समझ के करैं का चाही