खबर लहरिया ताजा खबरें छाई हती तहसील दिवस में समाजवादी पेंशन

छाई हती तहसील दिवस में समाजवादी पेंशन

05-08-15 Mahoba Samajwadi Pension web4 अगस्त खा महोबा तहसील दिवस में समाजवादी पेंशन को मुद्दा छाओ रहो, जीसे अधिकारी के काम की करतूत साफ नजर आउत हे।

ब्लाक कबरई, गांव मकरबई, एते की फुलारानी, पानकुंवर, रामबाई ओर संध्या देवी बताउत हे कि हमाओ स्टेट बैंक कबरई में खाता हे। हमने पिछली साल समाजवादी पेंशन को फारम भरो हतो, जीखो रुपइया आज तक नई मिलो हे। अगर हम अधिकारियन से कहत हे तो ऊ कहत हे कि कछू रुपइया खर्च करो तो पेंशन आ जेहे। हम मजदूर आदमियन खा कोनऊ लाभ नई मिलत हे। जभे गांव में जीखे साधन ओर पक्के मकान हे ऊ परिवार में चार-चार आदमियन खा पेंशन मिलत हे।

कबरई कस्बा की लक्ष्मी, ग्यान, केतकी, मुलिया के साथे बीस ओरतन ने दई दरखास में लिखो कि कर्मचारी मुंह देखी काम करत हे। मोहल्ला में आदमियन के दो-दो दइयां पेंशन आ गई हे। हमाये लाने बजट नई आओ को बहाना करत हे। जीखी पोहांेच, पहचान ओर रुपइया हे, ऊखो तुरतई काम हो जात हे। हमाई गरीबन की कोनऊ नई सुनत हे।
महोबा एस.डी.एम. प्रबुद्व सिंह दरखास खा गम्भीरता से लओ ओर जल्दी ही पेंशन दीबायें को अश्वासन दओ हे।