चैथी बार प्रधान बनै के बादौ नाय बनवाइन पेंशन

जिला फैजाबाद, ब्लाक मया, ग्रामसभा चन्द्रडीह। हिंआ चैथी बार से एक ही घर मा प्रधानी चली आवत बाय। लकिन जनता का कउनौ योजना कै लाभ नाय मिला बाय।
साठ साल कै सुशीला पत्नी स्वर्गीय राम औतार, रीता देवी, बेला पत्नी नन्दराम अनारादेवी पत्नी अशोक कुमार बताइन कि चैथी बार प्रधान बना हईन। लकिन हमरे सब कै पेंशन अबहीं तक नाय बनवाइन। खेत बारी एक दुई विस्सा बाय। मेहनत मजदूरी कइके कउनौ तरह से घर कै खर्चा चलत रहा। लकिन अब बुढ़ापा आइगै यतना ताकत नाय बाय कि कहू  मजदूरी कै पाई। प्रधान से कहीथी कि पेंशन बनवाए दिया प्रधान अनसुना कै दियाथिन। जगई बताइन कि पेंशन बना रहा उहौ साल भर से बन्द होइगा।
प्रधान कै पति परमानन्द बताइन कि हम फार्म भराय दिहे रहेन पता नाय काहे नाय आवत बाय।