खबर लहरिया बुंदेलखंड चेक के चक्कर में भई मोत

चेक के चक्कर में भई मोत

जिला महोबा, ब्लाक कबरई, गांव रिवई सुनैंचा। एते के साठ साल के स्वामीदीन पुत्र हरगोविन्द्र की धूप ओर लू लागे से मोत हो गई हे। परिवार वाले बैंक मैंजेनर खा मोत को कारन बताउत हे।
स्वामीदीन के बड़े लड़का मइयादीन कहत हे कि हमाये दस बीघा जमीन हे। जीखे ओलवृष्टि की चेक पांच हजार सात सौ की मिली हती। जीखे लगाये के लाने चार दिन से बराबर बैंक आउत हतो। पे रोज बैंक मैनेजर आज-कल करके बहला देत हतो। 11 मई खा दोपहर तक लाइन में लगो रहो। बैंक मैनेजर ने मंगलवार खा आये के लाने कहो। अचानक से बाप की तबियत खराब हो गई। जीखे इलाज के लाने प्राइवेट कुमार औषद्यालय ले गये। ओते डाक्टर ने मरो घोषित कर दओ। ईखी सूचना कबरई थाना में दई हे। पुलिस लास को पंचनामा भर पोस्टमार्टम खा भेज जांच करत हे।
इलाहाबाद बैंक के बैंक मैंनेजर ने कहोकि चार दिन सेसरवर नई चलत हतो। जीसे काम में परेशानी होत हती। एई से स्वामीदास चार दिन से चेक जममा करन आउत हतो।