खबर लहरिया बाँदा चुनाव का लइके मारपीट

चुनाव का लइके मारपीट

b didhvatजिला बांदा, ब्लाक तिन्दवारी, गांव डिघवट। हेंया 14 नवम्बर का दलित अउर पंडित के बीच चुनाव के बात चीत का लइके मारपीट भे। यहिके रपट दलित जाति का रंजीत चिल्ला थाना मा लिखाइस है।
रंजीत बताइस कि हमरे गांव मा या साल दलित सीट है। यहिसे हम लोग चुनाव लडि़त हन। गांव के राममिलन अउर रमेश पाण्डेय चुनाव के विरोध मा कुछ बात चीत करत रहैं। मैं बीच मा बोल दीनेंव। यहिसे उंई लोग मोहिका कुल्हाड़ी अउर लाठी डण्डा से खूबै मारिन हैं। राममिलन अउर रमेश कहत हैं कि रंजीत हमका दारू पी के गाली गलौज करत रहै। हम लोग वहिका चुनाव के बारे मा कुछ नहीं कहिन। यहिसे मारपीट भे है।
चिल्ला थाना का मुंशी चिन्तामणी कहत है कि 308 धारदार हथियार से मार के 504 गाली गलौज के धारा लाग है।