खबर लहरिया चित्रकूट चित्रकूट जिले में नुक्कड़ नाटक के ज़रिये हो रहा स्वच्छता अभियान

चित्रकूट जिले में नुक्कड़ नाटक के ज़रिये हो रहा स्वच्छता अभियान

जिला चित्रकूट, शहर चित्रकूट हैदराबाद के अभिनव संस्था गांव गांव मा जा के नुकड़ नाटक करत हवै। अौदाहा, मिर्जापुर, अरछा बरेठीमा नुकड़ नाटक देखा के स्वच्छ्ता अभियान चलावा जात हवैं। जेहिमा मड़इन का साफ पानी पिये के शिक्षा दीन जात हवैं। अउर शौचालय का इस्तेमाल करे खातिर कहा जात हवैं।
मिर्जापुर, के प्रधानपति नरेन्द कुमार यादव का कहब हवैं कि मड़इन के जागरूक करे खातिर इनतान के नुकड़ नाटक देखाय जात हवैं। यहै कारन मैं गांव मा डिगी पिटवा के मड़इन का इकटठ करत हौं। जेहिसे सबै मड़इन का स्वच्छ्ता अभियान के बारे मा पता चलै। जउन नुकड़ नाटक मा सफाई का लके जानकारी दीन जात हवैं। वा बहुतै नीक हवै। गांव के मड़इन का यहिमा से सीखा चाही।
सरोज अउर शांति का कहब हवै कि जउन सुना अउर देखा हवै सब नीक हवै। अबै तक तौ बाहर शौचालय खातिर जात रहै। अब हमहूं आपन शौचालय बनवइबैं।
टीम लीडर महक सिंह का कहब हवै कि अभिनव संस्था मा 18 मड़ई लखीमपुर ख्रीरी से आये हवैं। अरविन्द तिवारी, योगेन्द्र तिवारी अउर सुरेश समेत कइयौ मड़ई हवैं। गांव गांव जा के मड़इन का स्वच्छ्ता के बारे मा बताइत हन। जउन मड़ई बाहर शौचालय जात हवै कि उई शौचालय मा जाये। सरकारी शौचालय का भी मड़ई इस्तेमाल नही करत हवैं।

रिपोर्टर- नाजनी रिजवी 

04/10/2016 को प्रकाशित