खबर लहरिया चित्रकूट चित्रकूट जिले का वो पार्क जहां लोग घूमने कम और शराब पीने ज्यादा जाते हैं

चित्रकूट जिले का वो पार्क जहां लोग घूमने कम और शराब पीने ज्यादा जाते हैं

जिला चित्रकूट, कस्बा कर्वी। मिशन रोड एल.आई.सी के आफिस लगे 2003 मा रत्नावली पार्क बनावा गा रहै पै या पार्क के हालत बहुतै ख़राब हवै। पार्क का सुन्दरी करण करावें खातिर 2 अक्तूबर से मड़ई धरना मा बइठ हवैं।मांग न पूरी होय मा मड़ई सड़क मा उतर के धरना प्रदर्शन करिहैं।
विशाल का कहब हवै कि 2003 मा विकास प्राधिकरण कइत से रत्नावली पार्क बनावा गा रहै तबै से पार्क मा कुछौ काम नहीं कीन गा आय। यहै कारन 1 मई 2017 का अनशन करे हन। तबै डी.एम.ग्यारह लाख का बजट देखा के एक महीना के भीतार सुन्दरीकरण करावे का कहिस रहै।पै आज तक काम शुरू नहीं  कीन गा आय। यहै कारन हम फेर से धरना प्रदर्शन करे का मजबूर हन।
जय सिंह,राहुल अउर राकेश का कहब हवै कि रत्नावली पार्क मा धार्मिक स्थल भी बना हवै पार्क मा मैदान हवै यहै  कारन मुहल्ला के मड़ई हिंया घूमे आवत हवैं पै पार्क मा गंदगी बहुतै रहत हवै मड़ई हिंया शराब गांजा पिए आवत हवैं। गेट भी नहीं लाग आय। यहै कारन सुन्दरी करण के मांग करे हन। डी.एम शिवाकान्त दिवेदी का कहब हवै कि हम सुन्दरी करण करावें के कोशिश करित हवै यहिके खातिर नगर पालिका का कहा गा हवै।

बाईलाइन-नाजनी रिजवी

05/10/2017 को प्रकाशित