खबर लहरिया चित्रकूट चित्रकूट जिलेके छिवलहा गाँव में अचानक खेत में लगी आग, किसानों की फसल हुई जलकर राख!

चित्रकूट जिलेके छिवलहा गाँव में अचानक खेत में लगी आग, किसानों की फसल हुई जलकर राख!

जिला चित्रकूट, ब्लाक मऊ, हंव छिवलहा मा 28 मार्च का 2 बजे अचानक आगी लागे से किसानन के दस बीघा फसल जलके राख होइगें हवै। मौके मा कउनौ अधिकारी आये आहीं न कउनौ आगी बुझावै वाले पहुंचे आहीं।
आशा देवी का कहब हवै कि भूसा मा मड़ई आगी लगाये रहे हवै तौ वा आगी से हमार खेत के डेढ़ बीघा फसल जल गें हवै। दुई बीघा खेत अधिंया का लीने रहिहौं।
वीरेन्द्रप्रताप दिवेदी का कहब हवै कि समय मा पहुंच के आगी बुझा दीन गें हवै, नहीं तौ हजारन बीघा खेती जल जात।
सुंदर लाल अउर वहिकर लड़का का कहब हवै कि खाद, बीज अउर मजदूरी सब कुछौ खेत मा लगावा हवै। हमरे लगे बीस-पच्चीस जानवर हवैं। आगी लागे के बाद न मड़इन के खायें खातिर गेंहू बचा आय न जानवरन खातिर भूसा आय। सरकार मुआवजा दइ देई तौ खाय का होइ जई।
लेखपाल रविशंकर का कहब हवै कि मौके मा जाके जांच कीने हन तौ एक बीघा मा सात कुंतल के हिसाब से एक लाख का मुआवजा दीन जई।  

रिपोर्टर- सुनीता देवी

Published on Mar 30, 2018