जिला चित्रकूट, कस्बा कर्वी, शंकर बाजार शालू सूट सेंटर मा 15 मार्च का आगी लाग गे हवैं। जेहिसे 20 लाख का नुकसान होइ गा हवै।शालू सूट सेंटर मा लड़का लड़कियन के रेडीमेट कपड़ा बिकत रहै। दुकान का येत्ता नुकसान होय के बाद तहसीलदार गुलाब सिंह कहत हवै कि दैविक आपदा के तहत घरेलू नुकशान का मुआवजा मिलत हवै,दुकान का नहीं। नुकशान के सूचना ऊपर के अधिकारिन का दइ दीन गे हवैं।
मयंक बताइस कि मम्मी का इलाहाबाद से आवै का रहै तौ हम लेवावै चले गये हन,तबै पता नहीं कसत आगी लाग गे हवै। ताला तोड़ के तुरतै आगी बुझाये हन।आस—पास के मड़ई आगी बुझावे मा मदद करिन हवै। दुकान का सबै माल जल गा हवै।
सचिन सोनी बताइस कि पुरा काउटर जल गा हवै। बिटिया अउर मेहरिया के पूरे कपड़ा जल गे हवै। जुग्गी लाल अउर मालती बताइस कि लड़का आपन महतारी का लेवावै चला गा रहै। तबै दुकान मा आगी लाग गे हवै आस-पास के सब मड़ई आपन आपन घर से आगी बुझावे दौउड़े हवै। तबहूं पूरा सामान जल के राख होइ गा हवैं।
रिपोर्टर- नाजनी रिजवी
23/03/2017 को प्रकाशित
