जिला चित्रकूट, ब्लाक मानिकपुर, गांव बगरेही 18 मार्च का हिंया इन्द्रपाल के कुंआ मा गिरे से जान चली गे हवै। वहिके घर मा आंधर बाप,वहिके मेहरिया अउर 6 महीना के बिटिया हवै।
इन्द्रपाल के भाई धर्मराज का कहब हवै कि वहिके स्वार्थ का जान चली गे हवै। रिश्तेदारन खातिर कबूतर ले गा रहै पता नहीं कसत कुंआ मा गिर गा हवै। कुंआ मा पानी नहीं रहै यहै कारन वहिके जान चली गे हवै।पानी होत तौ बच जात।
पड़ोसी केशव प्रसाद अउर बाबूलाल का कहब हवै कि इन्द्रपाल जबै कुंआ मा गिरा रहै,तबै मड़ई वहिका मउत रस्सी से निकालिन हवै,तबै तक वहिके मउत होइ चुकी रहै मौके मा 100 नम्बर के पुलिस आयी रहै।
वहिके उमर 28 साल के रहि हवै। इन्द्रपाल का स्वभाव बहुतै नीक रहै वहिके लगे गाड़ी रहै तौ वा सबके मदद करत रहै वा बहुतै गरीब रहै मजदूरी कइके आपन परिवार के खर्चा चलावत रहा हवै।
रैपुरा थाना के दरोगा मनोज कुमार शुक्ला का कहब हवै कि पंचनामा होइ गा हवै लाश पोस्टमार्टम खातिर भेंज दीन गे रहै। खबर लिखत समय तक कुछ नहीं भा रहै।
रिपोर्टर- सहोद्रा देवी
23/03/2017 को प्रकाशित
