जिला चित्रकूट, ब्लाक रामनगर, गांव बांधी हिंया के समुदायिक स्वास्थ्य केंद्र मा 2015 से 2017 का जउन बच्चा पैदा भे हवै उंई बच्चन का जन्म प्रमाणपत्र नहीं बना आय। नगर निगम से भी बच्चन का जन्म प्रमाण पत्र बने से बच्चन के महतारी बाप बहुतै परेशान हवै। स्वास्थ्य विभाग जन्म प्रमाण पत्र न बने का कारन के नेट के समस्या बतावत हवै।
साधना बताइस कि दुइ साल पहिले मोर बच्चा भा रहै तबै से आज तक बच्चा का जन्म प्रमाण नहीं बना आय। उमा बताइस कि 15 अगस्त 2015 का मोर लड़का भा रहै पै जन्म प्रमाण पत्र नहीं बना रहै। जन्म प्रमाण पत्र सगले लागत हवै।
विनय कुमार बताइस कि जन्म प्रमाणपत्र बच्चन का स्कूल मा नाम लिखावत दरकी काम आवत हवै। राशनकार्ड मा भी लागत हवै। जन्म प्रमाण पत्र होत हवै तो उमर का पता चलत हवै।
आशाबहु किरन बताइस कि लगभग 150 बच्चन का जन्म प्रमाणपत्र नहीं बना आय। डाक्टर एक दूसरे का जन्म प्रमाण पत्र बनवावै का कहत हवै।रामनगर प्रथम प्रबन्धक डा. गया प्रसाद सूर्या का कहब हवै कि हियां नेट के समस्या ज्यादा हवै। कम्प्यूटर आपरेटर जिला अस्पताल मा काम करत हवै।
मुख्य चिकित्सा अधिकारी डा.राम जी पाण्डेय का कहब हवै कि जन्म प्रमाणपत्र न बने के सूचना हिंया नहीं आई आय। यहिके जांच कराई जई।
रिपोर्टर- सहोद्रा
09/05/2017 को प्रकाशित
