खबर लहरिया चित्रकूट चित्रकूट के चित्रकार और कलाकार विनय साहू

चित्रकूट के चित्रकार और कलाकार विनय साहू

जिला चित्रकूट, ब्लाक कर्वी विनय साहू चित्रकूट के कर्वी मा रहत हवै वा बचपन से पेटिंग अउर मूर्ति बनावै का काम करत हवै पै वहिका लीवर के बीमारी हवै। जेहिके इलाज खातिर वा कइयौ दरकी प्रधानमंत्री का चिटठी लिखिस हवै।
विनय साहू खबर लहरिया का आपन काम के बारे मा बतावत हवै कि मैं बचपन से मूर्ति अउर पेटिंग बनावै का काम करत हौं। अबै तक बहुतै मूर्ति बना चुके हौं बच्चन का भी मैं या काम सिखावत हौं जेहीमा सौ मा बीस बच्चा पइसा देत हवैं बाकी बच्चन का सेंत सिखावत हौं। चावल से लइके सरसों के दाना मा पेटिंग बनाये हौं। अंडा के भीतर ताजमहल के पेटिंग बनाये हौं। आंखिन मा पट्टी बांध के वाटर पेटिंग भी नीकतान बनाये हौं।
उतर प्रदेश के अलावा ग्वालियर,इलाहाबाद,उड़ीसा, भुवनेश्वर, दिल्ली अउर कइयौ जघा आपन पेटिंग के प्रदशनी लगाये हौं। पै अब लीवर के बीमारी होइगे हवै जेहिके इलाज खातिर मैं कइयौं दरकी प्रधानमंत्री का खून से चिट्ठी अउर पेटिंग बना के भेजे हौं। पै अबै तक सुनवाई नहीं भे आय। मोरे पीछे बहुतै बच्चा हवैं उंई मोर साथ देत हवैं।

रिपोर्टर- सहोद्रा देवी और सुनीता देवी 

 

07/09/2016 को प्रकाशित

चित्रकूट के चित्रकार और कलाकार विनय साहू
आजकल विनय प्रधानमन्त्री को एक सन्देश पहुँचाना चाह रहे हैं…