जिला चित्रकूट, ब्लाक मऊ, गांव कोलमजरा हिंया के सुरेन्द्र के परिवार वालेन का कहब हवै कि एक रात खातिर घर मा दारू रखी गे रहै। पै विभाग छापा मार के पकड़ लिहिस।
गांव का राजू का कहब रहै कि 30 अगस्त के रात ढाई बजे एक गाड़ी आई रहै।
वहिके बाद बब्लू नेता तीन दरकी आवा रहै देखै कि काम होत हवै कि नहीं। मैं रात के हल्ला सून के छत गयेंव तौ कोतवाल के गाड़ी दूर रहै। जबै मैं बतावै के कोशिश करेंव तौ मुहल्ला वाले कहिन चुप बइठ तोरे घर मा तौ कुछ नहीं होत आय। या से महूं चुप रही गयेंव
आबकारी विभाग का इस्पेक्टर गिरीश चन्द्र कुमार पटेल का कहब हवै कि पहिली दरकी भा हवै कि एक कमरा मा लगभग संवा चार सौ पेटी दारू पकड़ी गे हवै। यहिके खातिर बरगढ़ थाना मा रपट लिखवा के जांच करवाई जई।
रिपोर्टर- सुनीता देवी
03/09/2016 को प्रकाशित
