चालू भै धान खरीद केन्द्र

जिला फैजाबाद, ब्लाक मया, कस्बा गोषाईगंज ठकुराइन का पोखरा। हिंआ पै लगभग सात साल से बन्द धान, गेंहू खरीद केन्द्र 15 नवम्बर 2014 से फिर से चालू होये। किसानन का आपन धान, गेंहू बेचै खातिर यहरी-वहरी भटकै का न परे।
हरदी कै किसान रामउजागिर, बन्दनपुर कै सरजूदीन बताइन कि सात-आठ साल पहिले हिंआ धान, गेंहू खरीद केन्द्र चलत रहा। बीच मा फिर बन्द होई गै बाय। सब किसान का आपन अनाज बेचै मा बहुत दिक्कत होत रहा। जब ज्यादा देर तक किसानन का आपन अनाज न रखै का परे। जेसे खराब न होय। समदा कै अब्दुल रहमा, बन्टी बताइन कि हमरे सब बहुत आस लगाये हई कि दुई धान खरीद केन्द्र बनै के बाद किसान कै फसल बर्बाद न होये।
सहकारी समिति कै परिवेक्षक अधिकारी प्रदीप कुमार बताइन कि धान खरीद केन्द्र पै धान खरीदै कै काम शुरू कई दीन गै बाय। धान कै दाम तेरह सौ साठ रुपया प्रति कुन्तल सामान्य दर बाटै। अउर ज्यादा से ज्यादा चैदह सौ रुपया मिलत बाय। गेंहू कै दाम अबहीं निर्धारित नाय बाय। गेंहू कै रेट गेंहू कै फसल कटे के बाद निधारित होय।