जिला बांदा, ब्लाक, नरैनी, गांव लहुरेटा। हेंया के लोगन का आरोप है कि उनके गांव मा एक सौ चालिस बिजली कनेक्शन है, पै ट्रांसफार्मर छोट होय के कारन आय दिन फूंका रहत है। उनका गांव चार महीना होइगे अंधेरे मा डूबा है।
गांव के इरसाद अहमद अउर निसार अली बताइन कि हमरे गांव मा 63 के वी ए का बिजली ट्रांसफार्मर रखा है। या मारे बिजली का लोड ज्यादा पडैं से फूंक जात है। यहिसे हम बड़े ट्रांसफार्मर के मांग कीन है। अगर जल्दी हमरे गांव का ट्रांसफार्मर न बदला जई तौ अनशन करबें। इनतान कि उमस भरी गर्मी मा बिना बिजली हमार रहतब मुश्किल परा जात है। साथै बच्चन के पढ़ाई मा भी असर पड़त हैं। नरैनी जेई अफजल हुसैन कहत है कि 63 के वी ए का ट्रांसफार्मर है तौ बदला के दूसर रखवा दीन जई। बड़े ट्रांस्फरमर के आपन विभाग मा मांग करे हौं।