चार आदमियन के नाम लिखो दहेज हत्या को मुकदमा

महोबा शहर, समद नगर।एते बीस साल की ओरत शबीना की लाश 8 फरवरी 2015 खा फंासी में लटकत मिली हे। शबीना के मताई बाप ने हत्या को आरोप लगाओ हे। पुलिस ने लाश को पंचनामा भर पोस्टमार्टम खा भेज दओ हे।
शबीना के बाप हबीव खां ने बताओ कि हम हमीरपुर जिला के हे। शबीना की शादी महोबा में 20 अक्टूबर 2014 खा राशिद के साथे करी हती। शादी में मेने खीब दान दहेज दओ हतो। ससुराल वाले दो लाख रूपइया ओर गाड़ी मांगत हते। में गरीब आदमी इत्तो सब किते से लाहों, नई दओ तो शबीना के साथे मारपीट करत हते। 8 फरवरी खा ससुराल वालेन ने फांसी लगा के मार दओ हे। ईखी सूचना हमें मोहल्ला के आदमियन ने दई हती।
शबीना की सास हसीना उर्फ गुड्डो ने बताओ कि ऊने अपने से फांसी लगाई हे। हम तो बाजार में रजाई गद्दा तांगे को काम करत हते। मोहल्ला के आदमियन ने सूचना दई तभई हम घर पोंहचे हे। दहेज मगायें को झूठो आरोप लगाउत हे।
महोबा कोतवाली के मुन्शी राजबहादुर ने बताओ कि मुकदमा लिख गओ हे। ईखी विवेचना सी.ओ.सदीप कुमार करत हे।