खबर लहरिया औरतें काम पर घर से निकरैं के धमकी

घर से निकरैं के धमकी

मुन्नी

मुन्नी

जिला बांदा, ब्लाक बबेरू ,कस्बा बबेरू, मोहल्ला नहर पटरी। हेंया के मुन्नी के शादी सन् 2005 मा मनसवा कामता साथै भे रहै। अब उंई दहेज लोभी दूसर शादी 2012 मा कई लिहिन है अउर वहिका बच्चा न होय का बहाना कइके घर से निकारत है।
मुन्नी बतावत है कि मोर माइक तिन्दवारी ब्लाक का गांव सैमरी आय। जबै मोर शादी भे रहै तौ मोर बाप आपन हैसियत के हिसाब से दान दहेज दिहिस रहै। ससुराल वाले दहेज लोभी शादी के बाद से ही मोरे साथै मारपीट करैं लाग। मनसवा दारू भी पियत रहै अउर बच्चा न होंय का ताना देत रहै। कउनौ तान सात आठ साल या पीड़ा सहेंव पै मनसवा 2012 मा पीड़ा के हद पार कइ दिहिस अउर दूसर शादी कइ लिहिस। मोहिका घर से निकारैं अउर जान से मारैं के धमकी देत है। अब कहां जाव? या सोच के बहुतै परेशान हौं। यहिके दरखास भी बबेरू कोतवाली मा दीने हौं।
मनसवा कामता प्रसाद का कहब है कि मैं यहिका नहीं छोड़े आहंू न मारत हौं। दूनौ का खर्च पूर करत हौं।
बबेरू कोतवाली के मंुशी राजेन्द्र प्रसाद कहिन कि अब सूचना मिली है तौ पुलिस भेजब अउर कारवाही करब।