घर के साथे बच्चा जल गेल

आग में करोड़ो के सम्मपति राख

जिला शिवहर ,प्रखण्ड तरियानी, गांव सलेमपुर मलाही टोला। इहां 23 मई 2014 के रात डेढ़ बजे आग लाग गेलई। जेइमें पचहतर घर समेत एगो बच्ची के भी जल के मौत हो गेलई। एई आग में करोड़ो के सम्मपति जल के राख हो गेलई।
इहां के कांति देवी, मराछी देवी, सुनैना देवी, कपल सहनी सब कहलथिन कि आग नागेन्दर सहनी के घर से ही उठलई। आधा घण्टा में ही पुरा बस्ती जल के राख हो गेलई। लोग अपन-अपन जान बचलकई इहे बहुत हई। कुछो एतना खायला भी न बचलक। एही में नागेन्द्र सहनी के आठ साल के बेटी जल के मर गेलई। हमरा सबके प्रखण्ड से तत्काल राहत बैयालीस सौ रूपइया, पचास किलो गेंहू, पचास किलो चावल अउर पल्ली मिललक।
मुखिया नाजो खातुन के पति अमिन अंसारी कहलथिन कि हम खाना के व्यवस्था कइलीय। जिनकर बच्चा मर गेलईय उनका कवि अन्तोष्टी योजना के तहत पन्द्रह सौ रूपइया देलीय। एस.डी.ओ. एक लाख रूपइया देवे के घोषणा कलथिन। उहां जिनका सब के इंदिराआवास न मिलल होतई त मिलतई। लेकिन जिनका मिलल होतई त दोबारा देवे के कोई नियम न हई।