खबर लहरिया चित्रकूट घटना से गांव मा दहशत

घटना से गांव मा दहशत

DSC01044जिला चि़त्रकूट, ब्लाक कर्वी, गांव परसौंजा, काहली पुरवा। हिंया का घनश्याम कहिस कि 25 अक्टूबर 2014 के रात बदमाश आय अउर मोरे भाई राजेश का मार के कुंआ मा फंेक दिहिन। मोहिका मार के बेहोश कइ दिहिन। सूचना मिलतै पहाड़ी थाना के पुलिस अउर एस.पी. स्वामी प्रसाद मौके मा पहुंचगे।
घनश्याम का कहब हवै कि छह बदमाश आय अउर घर मा बंधी दुइ भइंस, एक पड़वा अउर दुइ बैलन का खोलैं लाग। येत्ते मा राजेश चीनी लइके आगा तौ वा़ एक मड़ई का पहिचान लिहिस अउर कहिस कि लोहरा गांव के हवै। इनतान काहे करत हौ। येत्ता कहतै बदमाश राजेश का फरसा, लाठी अउर संाग से मार डारिन। मैं मना करंेव तौ मोहिका दुइ जन लात घूसा अउर पत्थर से मारिन। मैं बेहोश होइ गयंेेव तौ उंई समझिन कि या मरगा हवै। यहै से पेड़ मा रस्सी से बांध दिहिन। सुबेरे पुरवा मा मड़ई आय तौ मोहिका खोलिन हवंै। या घटना से गांव मा दहशत का माहौल हवै पहाड़ी थाना के दरोगा हरिशरण यादव जउन या मामला के विवेचक भी हवैं। उंई कहिन कि या मामला के मुकदमा संख्या 187/2014 हवै। धारा 147 पांच से ज्यादा लोग मिल के हमला करब, 148 हथियारन से लैस, 149 हथियारन से जानलेवा हमला, 336 पत्थर से जानलेवा हमला, 302 हत्या, 506 जान से मारैं के धमकी लाग हवै। या मुकदमा अज्ञात मा लिखा गा हवै। एस.पी. स्वामी प्रसाद कहिन कि बदमाशन का ढूढ़ा जात हवै।