खबर लहरिया फैजाबाद गोली मारै वाले कै करिन पिटाई

गोली मारै वाले कै करिन पिटाई

DSCF7246जिला अम्बेडकर नगर, ब्लाक भीटी। मिझौड़ा बाजार मा 6 मार्च 2015 का होली के दिन पुरानी रंजिष के कारण गोली चली। जेहमा अरुण तिवारी गोली लागै से घायल होय गइन। फायरिंग करै वाले का गांव वाले पकड़ के पुलिस के हवाले कै दिहिन।
घटना के समय मौजूद बाजार वाले बताइन कि करमपुर गांव कै रहै वाले जितेन्द्र सिंह अपने दोस्त अवधेष से अउर बहोरपुर के अरुण से आपस मा बात चीत करत रहिन। बात करत करत पिस्टल तान लिहिन। पहिले हवा मा दुई फायरिंग करिन फिर अरुण के बाई तरफ सिर मा गोली मार दिहिन। गोली कै आवाज सुनिके गोव वाले दौरिन अउर चीनी मील के पास पकड़ के खूब पिटाई करिन। अउर पुलिस के हवाले कै दिहिन। उधर अरुण कै लखनऊ ट्रामा सेंटर मा इलाज चलत बाय।
अहिरौली थाना कै एस.ओ. राजेष यादव बताइन कि विषाल तिवारी बेटवा बिनोद तिवारी गांव पीठापुर के तहरीर पै जितेन्द्र सिंह गांव करमपुर के खिलाफ केस दर्ज बाय। अपराध संख्या 31/15 धारा 307(जान से मारै कै कोषिष) आई.पी.सी. 3/25 आम्र्स एक्ट लाग बाय। लाइसेन्सी पिस्टल कारतूस बरामद कइके जितेन्द्र का गिरफतार कइके जेल भेज दियागै बाय।