गोली मारै कै आरोप

जिला फैजाबाद, कस्बा अयोध्या, रानोपाली, रेलवे क्रासिंग। हिंआ के छात्र नेता अरूण कुमार सिंह कै आरोप बाय कि 8 नवम्बर 2015 का केहू गोली मार दिहिस।
अरूण कुमार सिंह कै कहब बाय कि हम साकेत महाविद्यालय छात्रसंघ मा अध्यक्ष पद के प्रत्याशी के पद पै खड़ा बाटेन। चुनाव प्रचार बाइक से करत रहेन। हमार साथी सब चला गइन। लगभग नौ बजे के पास हम रानोपाली रेलवे क्रासिंग  पहुंचेन तबै केहू अचानक पीछे से गोली चलाइस। दूर हुवय के नाते गोली हमरे कंधा पै लाग। कुछ अज्ञात मनई हमार पीछा करत रहे। जब अपने दोस्त के पास पहुचेन तौ अज्ञात मनई भाग गइन।
अयोध्या कोतवाली कै कोतवाल नरेन्द्र सिंह बताइन कि मौके पै जांच करै पै चैराहा कै मनईन का गोली कै आवाज नाय सुनान रहा। गला पै मामूली खरोच कै निशान बाय। जांच चलत बाय।