बांदा, सरकारी गेहूं केन्द्र। हेंया गेहूं बेचैं आये किसान का छाया पानी के व्यवस्था नहीं कीन जात आय। यतनी धूप मा किराया के ट्रैक्टर मा गेहूं लइके आये किसान परेशानी झेलत है।
बड़ोखर खुर्द ब्लाक के चहितारा गंाव का किसान अजय बतावत है कि गेहूं गील होय के नाम मा पंाच किलो ज्यादा के कटौती कीन जात है। यहिनतान बड़ोखर खुर्द ब्लाक के गंाव महोखर से आये किसान नवल किशोर बतावत हैं कि वा दुई दिन से गेहूं बेचै खातिर हेंया परा हौं। मण्ड़ी वाले कहत है कि दुई दिन बाद तउल होई। मैं किराया का ट्रौक्टर लइके आये हौं वहिमा भी किराया लागत है। इनतान मा मोर बहुतै नुक्सान है। गेहूं बेचै आये अउर किसान कहिन कि तउल करैं वाले अधिकारी ज्यादातार गायब रहत हैं।
डिप्टी आर.एम.ओ. महेश श्री वास्तव से इं व्यवस्थन के बारे मा बात कीन गे। उनकर कहब रहै कि केन्द्र मा गेहूं के तउल बराबर करमचारी ही करत हैं। हां गेहूं कुछ गील रहत है, तौ किलो खाड़ ज्यादा तउल कीन जात है। केन्द्रन मा जेतनी छाया के व्यवस्था है वतनी ही मिली। किसान बेकार मा हंगामा ठाड करत हैं। सबके तउल समय से ही कीन जात है।