गांव सभी सुख-सुविधाओं से है दूर, लेकिन सांसद की नजर में है आदर्श गांव

11 अक्टूबर 2014 का लागू कीन गए सांसद आदर्श ग्राम योजना कै उददेश्य गांवन कै विकास कइके वहिके मनइन का हर तरह के जानकारी से जागरूक करै का बाय । जेसे स्वयं के जीवन मा सुधार कइके दुसरे के जीवन के ताई एक आदर्श बन सकै । गाँव मा सड़क बिजली पानी जैसी मूलभूत सुबिधा से गांव का आदर्श गांव बनावै का बाय । जिला अम्बेडकर नगर, ब्लाक भीटी के हिड़ीपकड़िया गांव का हरिओम पाण्डेय सांसद गोद लिहिन। केतना विकास भा बाय एहि गांव मा जाना जाय यही के मनई से।11 अक्टूबर 2014 का लागू कीन गए सांसद आदर्श ग्राम योजना कै उददेश्य गांवन कै विकास कइके वहिके मनइन का हर तरह के जानकारी से जागरूक करै का बाय । जेसे स्वयं के जीवन मा सुधार कइके दुसरे के जीवन के ताई एक आदर्श बन सकै । गाँव मा सड़क बिजली पानी जैसी मूलभूत सुबिधा से गांव का आदर्श गांव बनावै का बाय । जिला अम्बेडकर नगर, ब्लाक भीटी के हिड़ीपकड़िया गांव का हरिओम पाण्डेय सांसद गोद लिहिन। केतना विकास भा बाय एहि गांव मा जाना जाय यही के मनई से। सुशीला गांव हिड़ीपकड़िया कै कहब बाय की यही गांव मा कुछ नाय भा बाय। जवन सड़क बाय उहौ उबड़-खाबड़ पानी बर्षा थै तौ मनई गिर-गिर पराथिन। जेसे चोट भी आय जाथै। कहूँ पानी बहै कै जगह नाय बाय। न ही नाली बनी बाय पानी घर मा घुसाथै। नीतू कै कहब बाय कि आइके वादा कइके चला गए की कालोनी मिले पर आज तक देखाय नाय परे। ओमप्रकास सिंह बताइन कि कुछ काम देखाय परै तौ पता चलै की नया काम शुरू भा बाय। पुराने प्रधान जवन काम कराये रहे वहीं तक सीमित बाय नये प्रधान कुछ नाय करिन।मनइन के बात से तौ आप सब समझ गा होइहै कि कउने तरह कै विकास येहि गांव मा भा बाय। लकिन सांसद जी तौ अपने महिमा कै बखान करत नाय थकते।सांसद हरिओम पांडे कै कहब बाय की वहि गांव मा सड़क, आवास, स्वछता अभियान, हर घर मा विद्युतीकरण, हर घर मा पानी कै सप्लाई बाय अउर काव चाही। उसरहा गांव का हरा-भरा बनाय के बिकसित करे हई। जवन जीता जागता उदाहरण बाय आप कबहू भी वहि जायके देख सकाथिन।

रिपोर्टर- संगीता 

Published on Aug 14, 2017