खबर लहरिया बाँदा गल्ला वितरण मा मारपीट

गल्ला वितरण मा मारपीट

जिला बांदा, ब्लाक तिन्दवारी, गांव भुजरख। रमरतिया का आरोप है कि 13 मई का कोटेदार के हेंया राशन वितरण के समय गांव के जगदीश के खिलाफ दरखास मैं तिन्दवारी थाना मा दीन हौं।
रमरतिया का कहब है कि राशन वितरण के समय कोटेदार के दुकान सब लोग अन्त्योदय कार्ड वाले समाजवादी सूखा राहत किट लें गे। कोटेदार जगदीश का किट दई दिहिस अउर सब का वापस लउटा दिहिस है। घर पहुंचै के बाद जगदीश मोहिका बिना कसूरै गाली गलौज करत कहिस कि कहे न किट लई आई। मैं मना करेंव, तौ जगदीश डण्डा से मारपीट करिस है। अउर जान मारै के धमकी देत रहा है। यहिसे मैं तिंदवारी थाना मा रपट लिखाये हौं।
जगदीश कहिस कि कोटेदार राशन कार्ड मा गल्ला वितरण करत रहा है सबै लोग गल्ला लें गें कुछ जनता का कोटेदार खाद्य सुरक्षा मा गल्ला नहीं दिहिस आय। यहिसे मैं अपने दुवारे मा बइठ के गाली गलौज करत रहा हौं। रमरतिया अपने ऊपर ले गई। यहिसे मार दीन है।
तिन्दवारी थाना मुंशी कमला प्रसाद कहिस कि मुकदमा मारपीट का लिखा गा है। धारा 323 मारपीट करना 504 आई पी. सी. सी. लाग है।

रिपोर्टर – शिवदेवी