खबर लहरिया पानी और स्वच्छता गर्मी शुरू होते ही सताने लगा पानी का संकट, देखिये बांदा जिले के भवानीपुर का विडियो

गर्मी शुरू होते ही सताने लगा पानी का संकट, देखिये बांदा जिले के भवानीपुर का विडियो

गर्मी शुरु होतन पानी का जलस्तर कम होय के कारन जिला बांदा, ब्लाक तिंदवारी, गांव भवानीपुर मा लाग हैंडपंप जवाब दे लाग है। हैंडपंप बहुतै देर तक चलावै के बाद पानी निकलत है, अउर पानी के टंकी तौ देखै का बनी है। यहै कारन 6 मार्च 2018 का मड़ई पैलानी तहसील दिवस मा दरखास दइ के पानी के टंकी चालू करै के मांग करिन हैं।
भारतीय किसान यूनियन जिला सचिव बिंदा सिंह परिहार का कहब है कि गर्मी शुरू होतन पानी के समस्या शुरू होइगें है। सरकार पानी के व्यवस्था तौ करावत है, पै प्रधान कागज मा पानी के पूर व्यवस्था देखावत है। जमीनी स्तर मा कुछौ नहीं करावत आहीं। प्रधान रुपिया कमाए मा रहत है। मड़ई दुई-दुई घंटा पानी का इन्तजार करत है।
शिवगोपाल बताइस कि जानवरन का हैंडपंप से पानी पियाइत है, काहे से कुंआ तालाब तौ सूख गें है। रमेश सिंह गौड़ का कहब है कि हैंडपंप बिगड़े पड़े है पै  प्रधान कुछौ नहीं करावत आय। यहै कारन एस.डी.एम.का दरखास दीने हन। कुंआ अउर दूसर हैंडपंप से पानी लइत हन।
जलकल अभियंता इ.आर.एल.मौर्य का कहब है कि सप्लाई चालू है, पै मड़ई नल का कनेक्शन नहीं करावत आहीं। जेहिके खातिर पन्द्रह सौ रुपिया लागी। छह महीना मा तीन सौ बहत्तर रुपिया का बिल लागी। जेहिमा पांच प्रतिशत के छूट मिली।

रिपोर्टर- शिवदेवी

Uploaded on Mar 16, 2018