खबर लहरिया बुंदेलखंड गंदगी से फेलत मच्छर

गंदगी से फेलत मच्छर

नालियन की जा हालत

नालियन की जा हालत

जिला महोबा, ब्लाक चरखारी, कस्बा खरेला। एते के हले मोहल्ला वार्ड नम्बर ग्यारह में दो महीना से सफाई नई भई। जीसे गंदगी के कारन मच्छरन की भरमार हे।
सन्तोष ओर कमलेश बताउत हें कि हमाये मोहल्ला में दो महीना से सफाई कर्मी सफाई करें नई आओ हे। अभे दीपावली के पेहले सफाई भई हती, तो जोन कूड़ा निकरो हतो। ऊखे सफाई कर्मी एतई लगा के चलो गओ हे।
रामरती बताउत हे कि अगर सफाई कर्मी सफाई करे आउत हे तो ठाड़े-ठाड़े झाड़ू लगा देत हे। नालियन की सफाई कभऊं नई करत आय। गंदगी के कारन बोहतई मच्छर लागत हें। जभे गंदगी नई देखी जात हे, तो अपने हाथन नाली की सफाई करत हें। ऊ कहत हे कि सफाई कर्मी खा दस हजार रूपइया वेतन मिलत हे। ऊ सफाई करे रोज काये नई आउत आय। सफाई कराये खे लाने केऊ दइयां नगर पालिका में कहो हे तो “हां करा दई जेहे” कह के टार देत हें।
चेयरमैन सिद्धगोपाल ने बताओ कि ऊ मोहल्ला में लक्ष्मी सफाई करत हे। अभे 20 नवम्बर 2013 खा लखनऊ में रैली हती तो ओतई चलो गओ हतो। अब ओते सफाई करा दई जेहे।