खबर लहरिया औरतें काम पर खेलावे के बहाना गलत व्यवहार

खेलावे के बहाना गलत व्यवहार

पकड़ायल अपराधी

पकड़ायल अपराधी

जिला सीतामढ़ी, प्रखण्ड बैरगिनिया थाना क्षेत्र के छह माह के मासूम राधा (काल्पनिक नाम) अपना फुआ के गोद में खेलईत रहलई। खेलावे के बहाना कके इहां के इक्कीस साल के ललन कुमार ले गेलई। ऐकान्त में ले जाके ओकरा साथ दुव्र्यवहार कलई अउर डेढ़ घण्टा बाद घरे लायल। इ घटना 22 फरवरी 2015 भेलई।
बच्ची के माई, बाबूजी कहलथिन कि ललन फुआ के हाथ से ले गेल अउर कहां छुपा देलक। घर के सब लोग सब जगह बच्ची के खोचली कहीं न मिलल। डेढ़ घण्टा के बाद अपने से ललन लेके आयल। बच्ची खून से लद-फद होयल रहलक। ऐई से पहिले गांव के तीन गो लड़की के साथ दुराचार कयले रहलक। हमरा सब के सक होयलक। ओई के आधार पर ललन के गांव के लोग पिटाई कलथिन अउर पुलिस के खबर कयल गेलई।
बरगिनिया थाना अध्यक्ष संजीव कुमार कहलथिन कि थाना में खबर होलई। इहां से पुलिस द्वारा गिरफ्तार करके कोट में भेजल गेलई। उहां के आदेश पर 23 फरवरी 2015 के सदर अस्पताल में मेडिकल जाुच कयल गेलई। अब जेल भेजल जतई।