खाना बनावत समय जली किषोरी, मउत

जिला फैजाबाद, कस्बा अयोध्या, गोलाघाट चैराहा। हिंआ 4 मार्च 2015 का 17 साल के नेहा कै जलै से मउत होइगै।
पिता राजेन्द्र गुप्ता बताइन कि हमरे सब घरे नाय रहेन। रिस्तेदारी मा गा रहेन। हमार बिटिया घरे अकेलै रही खाना बनावत रही। स्टोप का जलावत रही तौ भपकत रहा। नेहा के कपड़ा मा पकड़ लिहिस अउर केहू घरे नाय रहा कि बचाय लियै। अगल बगल कै मनई का पता नाय चला। बुधवार का सबेरे लगभग आठ बजे के आस पास मनई देखिन घर महसे धुआं निकरत बाय तौ अगल बगल कै मनई घर मा जायकै कोषिष करिन। लकिन जब जानिन कि घर मा केहूं नाय बाय तौ दरवाजा तूरके अंदर घुसके देखिन तौ आग से पुरी तरह जलिगै रहीं अउर उनकै मउत होयगै रही। हमरे पड़ोस के मनई हमैं फोन कइके सूचना दिहिन तौ हम तुरन्त घरे आयन।
पड़ोस कै मनई बताइन कि हमरे सब सबेरे देखेन तौ पूरे कस्बा मा हल्ला मचिगै। उनके घरे केहू नाय रहा सिर्फ नेहा रहिन। जब सबेरे देखा गै तौ नेहा आग से पूरी तरह जल गै रहिन। उनके अन्दर जान रही।
अयोध्या कोतवाली थाना कै मुंषी परषुराम बताइन कि परिवार वाले के अनुसार दुर्घटना स्टोप जलावत समय भै बाय। यहमा केहू कै कउनौ गल्ती नाय बाय।