पुरानी बागमती के धार
जिला सीतामढ़ी के रीगा चीनी मिल अउर शराब फैक्ट्री के कूड़ा कचड़ा पुरानी बागमती में गिराई छई। जइसे उ पानी खराब हो गेल हई। जेई पानी से नदी के किनारे रहें वाला सारा लोग के परेशानी होई छई।
उहां के कोषिला देवी, जयमंगल साह, सुशिला देवी कहलथिन कि नदी के पानी एतना खराब हय जे कोनो उपयोग के लायक न हई। हमसब नदी हेल के घास लावे जाईले त पैर के जेवर भी काला पर जाई छई। अगर तनका तनका दिन पर पानी साफ करे के लेल दवा डालतीयई त एतना गन्दगी न रहतीयई। इहे समस्या ओही फैक्ट्री के खराब पानी से धनकौल गांव के लोग के भी हई। उहां भी उहे धार गेल हई, जेकर नाम मनुषमारा परल हई। उहां के लोगा के कहना हई कि जब बाढ़ अवई छई त इ पानी नुकसान करई छई। षहवाजपुर के पंचायत समिति प्रदीप नरायण झा कहलथिन कि एई के लेल फैक्ट्री अउर जल प्रदुषण वोर्ड में आवेदन देली ह, लेकिन कोई सुनवाई न हय।
मुखिया षिवचन्दर पासवान कहलथिन कि मुखिया सदन के बैठक में फैक्ट्री में आवेदन देली ह। अब इ समस्या में कुछ सुधार देखे के मिल रहल हई। रीगा चीनी मिल अउर शराब फैक्ट्री के उपाध्यक्ष आषिस त्रिपाठी कहलथिन कि अब जे केमिकल नुकसान करई छई उ नदी में न डालल जाई छई। ओकरा निकाल के खेत में पटायल जाई छई। जइसे फसल के पैदावार अच्छा होई छई। एकर व्यवस्था फैक्ट्री के ओर से ही करई छी।