खबर लहरिया चित्रकूट खबर लहरिया के खबर का असर – चित्रकूट जिला के में शुरू हुआ नाले का काम

खबर लहरिया के खबर का असर – चित्रकूट जिला के में शुरू हुआ नाले का काम

जिला चित्रकूट, कस्बा चित्रकूट एक साल पहिले पुल बने से मड़इन का बहुतै परेशानी होत रहै। काहे से बीच रास्ता मा पानी भर जात रहै। तबै सितम्बर 2016 मा या खबर ,खबर लहरिया मा छापी गे रहै। अब नाला बने का काम शुरू होइ गा हवै।
दुकानदार सुरेन्द्र कुमार का कहब हवै कि नाला बने से निकलै वाले मड़इन का बहुतै आराम होइ जई। नाला सरकारी जमीन मा बनत हवै। यहिसे कउनौ मड़इन का नुकशान नही आय। दुकानदार आपने से आपन अतिक्रमण हटाइन हवै। अबै तक साइकिल अउर मोटर साइकिल बस निकरत रहै अब नाला अउर रोड बने के बाद सब साधन निकलै मा आराम होइ जई।
शिवप्रसाद चौरसिया समेत कइयौ मड़ई बतावत हवै कि पुल बने से व्यापार मा कुछ नुकशान भा रहै। पै अब नाला बने से सबै मड़ई खुश हवै। अब व्यापार करै मा भी मड़इन का फायदा मिली।
नगरपालिका अधिषासी अभियंता लालचन्द्र सरोज का कहब हवै कि अब दक्षिण कइत का काम शुरु होइ। राज्य विपदा आयोग से विकास काम के तहत नाला बनत हवै। ढाई महीना मा नाला का काम पूर होई जइ।

रिपोर्टर- नाजनी रिजवी और सुनीता

30/12/2016 को प्रकाशित