समझौता कराउत एस.डी.एम. ओर सी.ओ.
जिला महोबा, ब्लाक कबरई, गांव मकरबई। ई गांव के आदमियन को आरोप हे कि 12 नवम्बर 2014 खा सुबेरे लगभग 10 बजे सोना गे्रनाइट के्रशर वालेन ने हमखा कमरा में बेंड़ खे मारो हे। विरोध करें पे हवाई फायरिंग भी करी हे। मौके में महोबा सी.ओ., एस.डी.एम. ओर कबरई पुलिस ने ने पोंहोच खे मुआयना करो हे।
लल्लू कुशवाहा, कल्लू धोबी ओर अजय ने बताओ कि सोना ग्रेनाइट के्रशर खा लगे चार साल हो गये हें। जीखी के्रशर आय ओई खे ट्रक भी चलत हे। कन्हैया ओर नारायण ने बताओ कि हमखा पहाड़ में मजदूरी भी नई मिलत हे। काय से पत्थर फोड़े ओर तोड़े वाली मशीन लगी हें। दिन भर ट्रक निकरें से पूरी खेती पथरा गई गई हे, ऊमे कछू नई होत आय।
कबरई थाना के एस.ओ. रमेश कुमार पटेल ने बताओ कि ऊ दोनऊ खा समझौता करा दओ हे। काय से के्रशर वालेन ने गांव के आदमियन के खेती को मुआवजा देय ओर अपने के्रशर में काम देय खा आस्वासन दओ हे।