जिला चित्रकूट, ब्लाक कर्वी, कस्बा भरतकूप। हिंया के मड़ई कहिन कि गांण्ड़ा मोड़ मा एम.पी. जायसवाल के क्रेशर मशीन मा 21 अगस्त के रात मा मजूर राममोहन के मौत होइगे। वा मजूर कहां का रहैं वाला हवै। वहिका बिना आईडी प्रारुप के मालिक कसत राख लिहिस। या बात अबै तक नहीं पता लाग हवै। यहिसे 25 अगस्त का लावारिश लाश समझ के वहिका अंतिम संस्कार कइ दीन गा
कस्बा के मड़ई डेरात डेरात बताइन कि मजूर राममोहन दुइ साल से क्रशर मालिक एम. पी. जायसवाल के हिंया के्रशर मा काम करत रहै। वा दुइ साल से रहत रहै पै सोचै वाली बात तौ या हवै कि बिना आईडी प्रारुप के क्रेशर मालिक वहिका कसत राख लिहिस। का राममोहन कत्तौं अपने घर नहीं जात रहै। आखिर जउन रुपिया वा कमात रहै वा रुपिया कहां गा। के्रशर मालिक अपने बचाव खातिर इनतान कहत हवै कि वहिके आईडी प्रारुप नहीं आय। कुछ मड़ई या भी कहिन कि राममोहन झांसी सीपरी बाजार मा चित्रकूट के पुलिस गई रहै। हुंवा के प्रधान से गांव के लिस्ट मांगी, पै वा लिस्ट मा राममोहन का नाम नहीं मिला रहै। यहिसे बहत्तर घंटा के बाद राममोहन का अंतिम संस्कार करै का परा हवै। वहिके परिवार वालेन का कउनौ पता नहीं लाग हवै।
के्रशर मालिक एम. पी. जायसवाल से बात करैं के कोशिश कीन गे, पै बात नहीं भे आय।
भरतकूप चैकी प्रभारी आर. बी सिंह कहिन कि अबै कउनौ के खिलाफ मुकदमा नहीं लिखा गा हवै। पुलिस पता करत हवै कि राममोहन का कहां का रहैं वाला हवै।