खबर लहरिया बुंदेलखंड कोटा के नई मिलत राशन

कोटा के नई मिलत राशन

rasan card taaja
जिला महोबा, ब्लाक कबरई, गांव परसाहा। इ गाँव  को कोटेदार गांव वालेन खा न सही से गल्ला देत हें ओर न मिट्टी का तेल देत आए। जीसे डी. एम खा दरखास देके नियाव की मांग करी हे।
गांव के मुन्ना धर्मेन्द सिंह बालादीन ओर रश्मी यादव ने बताओ हमाए एते को कोटेदार न तो मिट्टी को तेल देत हे ओर न गल्ला फर्जी राशन कार्ड बनवाए धरे हे ऊमें सब कछू देत हे। जोन अभे खें राशन कार्ड हे ऊमें नई देत आय। अभे कोटा बदल गओ हतो तो ऊ सही से गल्ला ओर तेल देत हतो। पे अभे ऊने दुबारा से कोटा अपने एते कर लओ हे। होली खा कोटेदार तेल नइ देत हतो जीसे लड़ाई भई और हमने कबरई थाना में रिपोर्ट दई हती। अभे 6 अप्रैल खे हमने डी. एम. खा दरखास दई हे।
कोटेदार सावित्री के आदमी विश्वनाथ ने बताओ कि चुनाव खें लेके गांव वाले मोसे बोहतई चिढ़त हे। होली खें गांव वालेन ने दारू पीके मोए बाप ओर भाई खे मारो हतो ओर झूठी रिपोर्ट लिखाई हती। मोओ कोटा भी बदला दओ हतो। पे में हाईकोर्ट से जीत खें आपन कोटा वापस ले आओ हो। जिला पूर्ति विभाग के बाबू ने बताओ-“ ऊ हाईकोर्ट से जीत खें कोटा मगाओ हे। ईसे ज्यादा हमें जानकारी नइयां।”